5大Coupon Code网购平台推介

2020-06-05 981浏览 42评论 17赞
所谓海淘其实就係海外网购,除咗本地网购之外,海淘就可以执到又平又正嘅来佬嘢,分分钟香港都未必有㗎。好多似我咁醒嘅人一早就已经识得喺外国限定节日疯狂大扫货,好似11月嘅感恩节同12月嘅圣诞节咁;不过有阵时心血来潮手痕想买嘢,又唔想捱贵嘢,几时先等得到大时大节呀?

喺呢嗰moment,折扣码(coupon code)就帮到手啦。你以为google大神就帮到你搵coupon code?少年,你太年轻了,顺丰都可以假,网上假coupon木马病毒一箩箩,你唔係逐个试呀?就等我share常用嘅5大coupon code网站喇。

推介1. CouponMate

CouponMate係一个浏览器嘅外挂,十卜超过7万间海淘,Google Chrome、Firefox同Safari都用到,当你上任何一个海淘网嘅时候,所有用得嘅coupon code都会show晒出嚟,copy and paste即刻就用得,方便到震,仲日日更新添呀!

5大Coupon Code网购平台推介
当右上角对翼仔变咗粉红色就代表有coupon啦,见到啱就可以收藏先,买单嘅时候copy & paste就用得。

Jetso文着数贴士:

不过小部分嘅coupon code会连埋附带条件先用得,好似消费满几多钱、限定货品咁,精明眼嘅你记住睇清楚先好用啦。佢仲有个share功能,觉得抵到爆记住开心share啦。

推介2. 北美省钱快报

虽然冇coupon mate咁方便,但重点係佢有个中文介面,懒得睇英文嘅人就可以用北报啦。

5大Coupon Code网购平台推介
右手边有个点击排行榜,有时想买嘢送俾人又谂唔到买咩就可以参考下啦。

Jetso文着数贴士:

除咗网页同手机apps之外,仲有个微博fans page,每日会share啲当季嘅最新消息同折扣、抽奖小游戏等等,有用微博嘅朋友仔就记得留意下。(微博:北美省钱快报)上网买嘢都想试真啲?北报会有免费拎sample(多数都会係cosmetic类)嘅coupon,如果想拎就可以买其他嘢时用埋张coupon,可以悭返啲运费嘛。

推介3. RetailMeNot

如果你係英国同加拿大嘅海淘fans就啱你啦,佢有分加拿大同英国嘅版面任你拣,输入海淘网嘅名又得,睇下精选coupon又得。虽然就冇上面2间更新得咁快,但可以用“Email Monitor”follow间心水海淘网,有新优惠就会话你知啦。

5大Coupon Code网购平台推介

Jetso文着数贴士:

入面嘅折扣码分为推荐coupon同unreliable coupon 2种,click一下”more coupon”成日会有意想不到嘅惊喜㗎。用之前可以睇睇网友评分,make sure个折扣码仲係有效。

推介4. FreeShipping

拣完一轮心水嘢,埋单嘅时候先发现运费太贵?呢个係少数主要搜集免运费嘅折扣码网站之一,帮你手减轻邮费嘅负担呀。

5大Coupon Code网购平台推介

Jetso文着数贴士:

通常都係免境内运费,虽然唔係全程运费,但悭得几多得几多先係我宗旨呀!入面有唔同种类嘅free shipping俾你拣返,我多数都用any order,唔使谂够方便。

推介5. Gottadeal

虽然佢平时都会有折扣码,但其实最出名嘅唔係呢样。美国圣诞节之后好快就有黑色星期五,好多人一年净係等呢次买嘢。而呢个网就几乎涵盖晒全美主要大卖场嘅折扣讯息,到时喺边到抢最平嘅货就靠佢啦。

5大Coupon Code网购平台推介

Jetso文着数贴士:

佢会直接列明每个网站减价货品减价后价钱,如果冇目标想睇下有冇笋嘢执就啱晒啦。

宝物沉归底,好嘢係要慢慢搵,着数就要快手抢;如果你哋都有jetso精选,记得share俾我知啦!

CouponMate/北美省钱快报/RetailMeNot/FreeShipping/Gottadeal/网上图片

上一篇: 下一篇: